50 ildən çox Sumqayıt səhiyyəsində çalışan “Şöhrət” Ordenli Vaqif Qəhrəmanov təqaüdə çıxıb. Bu haqda 13 aprel tarixində Sumqayıt Tibb Mərkəzi (STM) xəbər yayıb.
3 nömrəli Şəhər Xəstəxanasının həkim-cərrahı çalışdığı kollektivlə vidalaşıb, göstərilən diqqətə görə təşəkkürünü bildirib.
1968-ci ildən 1 saylı Birləşmiş Xəstəxanada həkim kimi fəaliyyətə başlayan Vaqif Qəhrəmanov müxtəlif tibb müəssisələrində çalışıb. Bununla yanaşı, o baş həkim, eləcə də 13 il Sumqayıt Səhiyyə Şöbəsinin müdiri olub. 2015-ci ildən isə 3 nömrəli Şəhər Xəstəxanasında həkim-cərrah kimi fəaliyyətini davam etdirib.
Vaqif Qəhrəmanov 6 elmi məqalənin və 1 ixtiranın müəlifidir. Prezident İlham Əliyevin Sərəncamı ilə 2009-cu ildə “Şöhrət” Ordeninə layiq görülüb.
