"Bu Şəhərdə"nin sumqayıtlı üzvü Coşqun Rəhimovun canlandırdığı obraz müzakirələrə səbəb olub.
Əməkdar artistlər Rafael İsgəndərov və Coşqun Rəhimovun təqdim etdikləri proqramda Qurban Qurbanovla bağlı yer alan epizod sosial şəbəkələrdə birmənalı qarşılanmayıb.
Ölkə.az məsələ ilə bağlı "Bu şəhərdə"nin prodüseri və ssenaristi Müşfiq Abbasovla əlaqə saxladı. O, açıqlamasında bildirdi ki, hansısa "axmaq" zaldan səhnəciyin bir hissəsini çəkib:
"Halbuki çəkiliş qadağandır. Haqqımıza giriblər. Konsertin montajdan sonra tam versiyasını Qurban Qurbanova göstərib onun fikrini öyrənərsiniz. Kimlərsə ona fikir bildirirlərsə, fikirləri bizə maraqlı deyil".
