Sumqayıt məktəbinin məzunu xaricdə təhsil almaq şansı qazanıb.
Sumqayit24.az-ın əldə etdiyi məlumata görə, Rəvan Əzizli Sumqayıt şəhəri 18 nömrəli tam orta məktəbi bitirib. O, buraxılış və qəbul imtahanlarının nəticələrinə əsasən ümumilikdə 615 bal toplayıb.
Gənc həmşəhərlimiz Bakı Mühəndislik Universitetinə qəbul olub. O, burada üçüncü kursa qədər təhsil alacaq. Nəticələri yüksək olduğu halda isə təhsilini Koreya Respublikasının İNHA Universitetində "Kompüter elmləri (Süni intellekt mühəndisliyi)" ixtisası üzrə davam etdirə biləcək.
Rəvanın təhsilini Koreyada davam etdirməsi Bakı Mühəndislik Universiteti ilə İNHA Universiteti arasında həyata keçirilən ikili diplom proqramı çərçivəsində mümkün olacaq.
