Sumqayıt məktəblərinin iki məzunu yüksək nəticə göstərərək xaricdə təhsil almaq imkanı qazanıb.
Sumqayit24.az-a bu barədə məzunların yaxınları məlumat veriblər.
Məlumata görə, Sumqayıt şəhər Təbiət Elmləri Liseyinin məzunu Hüseyn Əhmədzadə buraxılış və qəbul imtahanlarının nəticələrinin cəminə əsasən 650 bal toplayıb.
Hüseyn Əhmədzadə bu nəticə ilə Bakı Mühəndislik Universitetinə qəbul olub. O, burada üçüncü kursa qədər təhsil alacaq.
Təhsil müddətində yüksək nəticələr göstərdiyi halda isə təhsilini Koreya Respublikasının İNHA Universitetində davam etdirə biləcək.
Digər məzun – Sumqayıt şəhər Ş.İ.Xətai adına 30 nömrəli tam orta məktəbin məzunu Nəcəf Baxışov isə nüfuzlu Harbin Texnologiya İnstitutuna (Harbin Institute of Technology – HIT) birbaşa qəbul olub.
O, Çində yerləşən bu universitetdə Kompüter Elmləri və Texnologiyası ixtisası üzrə ingilis dilində təhsil alacaq.
Qeyd edək ki, Nəcəf Baxışov CSCA imtanından (China Scholastic Competency Assessment) riyaziyyatdan 97, fizikadan 92 bal, IELTS (International English Language Testing Syste) imtahanında isə 6.0 nəticə göstərib.
Hər iki məzuna təhsil həyatlarında uğurlar arzulayırıq!
