Daha bir sumqayıtlı şəhidin adı oxuduğu sinifə verildi. Bu haqda DünyaTV-yə istinadən xəbər veririk.
Şəhid Rüfət Əhmədzadənin adı 31 nömrəli orta məktəbdə, onun oxuduğu sinif otağına verilib. Sinfin açılışında Rüfətin anası, şəhid-Milli Qəhrəman Şükür Həmidovun atası, məktəbin direktoru Leylə Əliyeva, qəhrəmanımızın ilk müəllimi Faidə Məmmədova və digər müəllimlər iştirak ediblər.
Burada çıxış edənlər, şəhidimizin döyüş yolundan, göstərdiyi şücaətdən söz açdılar.
Rüfət Əhmədzadə 29 sentyabr tarixində Tərtər-Agdərə istiqamətində gedən döyüşlərdə qəlpə yarasından şəhidlik zirvəsinə ucalıb. Prezidentin sərəncamı ilə o, ölümündən sonra "Vətən uğrunda" medalı ilə təltif olunub.
