Bülbül adına 2 nömrəli Uşaq İncəsənət Məktəbinin şagirdi fəxri ada layiq görülüb. Sumqayıt24 bu haqda 17 yanvar tarixində Sumqayıt Regional Mədəniyyət İdarəsinə istinadən xəbər verir.
Skripka aləti üzrə təhsil alan 2-ci sinif şagirdi İmran Məmmədzadə Moskva şəhərində onlayn formatında keçirilən “Я талант” (“Mən istedadam”) III Beynəlxalq İncəsənət müsabiqəsində iştirak edib. Ona I dərəcəli Laureat adı verilib.
Şagirdin müəllimi Rasim Novruzov və konsertmeysteri Sevinc Qasımova “Təşəkkürnamə” ilə mükafatlandırılıblar.
