Sumqayıt sakini qəzaya uğrayıb.
Sumqayit24.az xəbər verir ki, hadisə Bakı-Quba Rusiya federasiyası sərhədi ödənişli avtomobil yolunda qeydə alınıb. Belə ki, şəhər sakini Əzimə İmanovanın idarə etdiyi "Changan" markalı avtomobil yolun Xaçmaz rayonu ərazisindən keçən hissəsində dəmir maneələrə çırpılaraq aşıb. Qəza sürücünün idarəetməni itirməsi nəticəsində baş verib.
Maşında tək olan sürücü yüngül xəsarətlər alıb. Qəza yerinə Dövlət Yol Polisinin əməkdaşları cəlb olunub, yolda hərəkətin təhlükəsizliyi təmin edilib.
Faktla bağlı araşdırma aparılır.
