Bakı-Xırdalan-Sumqayıt qatarlarının hərəkətinin bərpa olunacağı tarix açıqlanıb.
Məsələ ilə bağlı Azərbaycan Avtomobil Yolları Dövlət Agentliyindən (AAYDA) Oxu.аz-ın sorğusuna cavab olaraq bildirilib ki, hava şəraiti imkan verərsə, təmir işlərinin bu ayın sonuna qədər yekunlaşdırılması nəzərdə tutulur.
Qurumdan əlavə edilib ki, bu halda Bakı-Xırdalan-Sumqayıt marşrutu üzrə xətlər istismara təhvil veriləcək:
"Gecikmə hava şəraiti ilə bağlıdır. Xətlərdən biri artıq təhvil verilib. Hava şəraiti uyğun olarsa, digər xətlər də yaxın vaxtlarda istifadəyə veriləcək".
Qeyd edək ki, Xırdalan şəhərinin M-1 Bakı-Quba Rusiya Federasiyası ilə dövlət sərhədi və M-4 Bakı-Şamaxı-Yevlax avtomobil yolları ilə əlaqələndirməsini təmin etmək məqsədilə aparılan təmir işləri ilə əlaqədar ötən il sentyabrın 15-dən Bakı-Xırdalan-Sumqayıt qatarlarının hərəkəti dayandırılıb.
