Bu gündən evini sığortalamayan vətəndaşlar cərimələnəcəklər. Sumqayıt24 bu haqda 1 iyun tarixində Xəzər Xəbər-ə istinadən xəbər verir.
Söhbət dövlət qeydiyyatına alınmış və çıxarışı olan evlərdən gedir. Yeni elektron sistemin işə düşməsi ilə bu proses avtomatik həyata keçiriləcək.
Hüquqşünas Rəhim Xoyskinin sözlərinə görə, cərimələr qanunvericilikdə daha əvvəl də var idi. Lakin icra orqanlarının qarşılıqlı kommunikasiyalarının zəif qurulması nəticəsində tətbiq olunmurdu. Sistemin elektronlaşdırılması mexanizmə nəzarəti artırmağa imkan verəcək.
O bildirib ki, cərimələnən vətəndaşlar daşınmaz əmlaklarını sığorta etdirməsələr, 20 gün sonra təkrar cərimələnəcəklər. Sığorta şirkətlərinin vətəndaşları sığorta müqaviləsinə məcbur etməsi isə qanun pozuntusudur.
Qeyd edək ki, mənzillərin icbari sığorta məbləği Sumqayıt şəhəri üzrə 40 manatdır. Buna əməl etməyən fiziki şəxslərə 30, vəzifəli şəxslərə 80, hüquqi şəxslərə isə 200 manat cərimə tətbiq ediləcək.
