H.Z.Tağıyev qəsəbəsindəki uşaq əyləncə guşəsi baxımsız vəziyyətdədir.
Sumqayit24.az xəbər verir ki, 2004-cü ildə Xətai küçəsində salınan uşaq meydançası istifadəyə yararsız hala düşüb. Redaksiyamıza müraciət edən valideynlər uşaqların təhlükəsizliyindən narahat olduqlarını bildirirlər:
“Yelləncək, sürüşkən və idman qurğuları sıradan çıxıb. Yelləncəkdən yalnız dəmir konstruksiyası qalıb, sürüşkənin isə təhlükəsizlik məhəccəri yoxdur. Sürüşüb düşərkən isə yer çuxurdur. Oturacaqların taxta hissələri qırılıb, hamısı bu vəziyyətdədir. Zibil qabı isə heç əvvəldən olmayıb. Bir sözlə, meydança görüntüsü var, amma əslində yoxdur. Sabah bir hadisə baş versə, hamı çəkilib kənarda dayanacaq”.
