Bir neçə gün öncə sosial şəbəkələrdə Sumqayıt şəhərində “İsuzu” markalı sərnişin avtobusunun yolda təhlükəli manevrlər etməsi və piyada keçidinə daxil olmuş piyadalara yol vermədiyi barədə görüntülər yayılıb.
Sumqayit24.az-ın əldə etdiyi məlumata görə, avtobusun sürücüsü Şahin Məmmədov Sumqayıt Şəhər Polis İdarəsinin Dövlət Yol Polisi Şöbəsinin əməkdaşları tərəfindən müəyyən edilərək saxlanılıb.
Sürücü ilə profilaktik söhbət aparılıb və o, intizam məsuliyyətinə cəlb edilib, barəsində inzibati protokol tərtib olunub.
Xatırladaq ki, Sumqayıt şəhəri, Sülh prospekti ilə hərəkət edən avtobusun sürücüsü ani manevrlər edib. Bununla o, digər sürücülərə və piyadalara təhlükə yaradıb.
Nəzrin Vahid
Foto Sumqayıt24
