Nizami Gəncəvi adına Kitabxana klubunda ”Uşaq hüquqları toxunulmazdır” adlı dəyirmi masa keçirilib. Bu barədə 15 noyabr tarixində Sumqayıt24 xəbər verir.
Görüş Beynəlxalq Uşaq Hüquqlarının Müdafiəsi aylığı çərçivəsində təşkil olunub. Burada Sumqayıtın tanınmış hüquqşünası Azər Əzizov və Polad Həşimov adına 28 nömrəli məktəbin şagirdləri iştirak ediblər.
Kitabxananın baş mütəxəssisi Səadət Allahverdiyeva onlara uşaq hüquqlarından, yerli və beynəlxalq sənədlərdən, BMT-nin “Uşaq Hüquqları” konvensiyası və “Uşaq hüquqları haqqında” Azərbaycan qanunudan məlumat verib.
Hüquqşünas Azər Əzizov çıxış edərək uşaqların ictimai həyatdakı rolu, onların təhsili, istirahət və digər hüquqlarının qorunması, uşaqlara qarşı törədilən zorakılıq halları ilə mübarizə haqqında danışıb. Daha sonra, şagirdlərə faydalı məsləhətlər verib, onların suallarını cavablandırıb.
Sonda mövzuya aid videoçarx və “Uşaq hüquqları toxunulmazdır” adlı sərgi nümayiş olunub.
