UEFA Konfrans Liqasının birinci təsnifat mərhələsində Albaniyanın "Elbasani" və Belarusun BATE klubları arasında cavab oyunu Sumqayıtda baş tutacaq.
BATE rəqibini Mehdi Hüseynzadə adına stadionda qəbul edəcək.
Komandalar arasında ilk oyun bu gün Albaniyada baş tutacaq. "Elbasani" - BATE matçı Bakı vaxtı ilə saat 22:00-da başlayacaq. Cavab oyunu isə 16 iyul, saat 21:00-da keçiriləcək.
Qeyd edək ki, BATE-nin cavab oyununu Sumqayıtda keçirməsinə səbəb UEFA-nın Belarus klubları ilə bağlı tətbiq etdiyi məhdudiyyətlərdir.
Mənbə: İdman.biz
