Sumqayıtda görkəmli bəstəkar Q.Qarayevin 105 və A.Məlikovun 90 illik yubileyləri münasibətilə tədbir keçirilib. Bu haqda 19 aprel tarixində Sumqayıt24 “Mədəniyyət Xəbərləri”nə istinadən məlumat verir.
Tədbir Ə.Bakıxanov adına 1 nömrəli Uşaq İncəsənət Məktəbində təşkil olunub. İlk olaraq, aparıcı görkəmli bəstəkar, SSR xalq artisti, professor A.Məlikov və SSR xalq artisti, bəstəkar Q.Qarayevlə bağlı tamaşaçılara geniş məlumat verib. Musiqili tədbir bəstəkarların ecazkar musiqilərinin səslənməsi ilə davam edib. Q.Qarayevin dünya musiqi aləmində tanınan “Sülh haqqında mahnı”, “Yeddi gözəl” baletindən musiqi nömrəsi, sonra A.Məlikovun “Qızların rəqsi”, “Güllər”, “Ağır vals” və bir çox maraqlı musiqi nömrələri ifa olunub.
