Sumqayıtda uşaq kanalizasiya quyusuna düşməkdən son anda xilas edilib.
Sumqayit24.az-a bu barədə izləyicidən məlumat daxil olub. Müraciət edən şəxs bildirir ki, 4-cü mikrorayonun Ağa Quliyev küçəsi tərəfində kanalizasiya quyusunun qapağı açıq vəziyyətdədir:
"11 yaşlı qardaşım az qala kanalizasiya quyusuna düşəcəkdi. Onu son anda xilas etdim. Amma ayaqqabısı ora düşdü. Daha çox adam zərər görməmiş tədbir görülməlidir. Uşaq qurumların səhlənkarlığının qurbanı olacaqdı".