Şəhid Rəvan Əliyevin mövlududur. O, 27 may 2001-ci ildə Sumqayıtda anadan olub.
Sonra Quba şəhərində yaşayıb. 2007-ci ildə Quba şəhər 3 saylı məktəbində birinci sinfə gedib. Növbəti il musiqi məktəbinə qəbul olub və orada tar sinfini bitirib. Parallel olaraq futbolla da məşğul olub. Fəxri fərmanlar alıb. 2016-cı ildə Bakı İdarəetmə və Texnologiya Kollecinə qəbul olub.
İkinci Qarabağ müharibəsi başlayanda Sərhəd Qoşunlarının əsgərləri əvvəlcə döyüşlərdə iştirak etmirdilər. Rəvan qulluq etdiyi hərbi hissədən bir zabit və 6 əsgərlə müharibəyə könüllü qoşulub.
Zəngilan uğrunda döyüşlərdə 7 hərbi qulluqçunun hamısı şəhadətə ucalıb.
