Vətən müharibəsi şəhidi Namiq Quliyevin doğum günüdür.
Sumqayit24.az xəbər verir ki, Namiq Natiq oğlu Quliyev 31 dekabr 2001-ci ildə Sumqayıt şəhərində anadan olub. Sumqayıt şəhəri 13 nömrəli məktəbdə təhsil alıb. 44 günlük müharibə zamanı Xocavənd, Tərtər, Suqovuşan və Laçının azadlığı uğrunda döyüşüb və 25 oktyabr 2020-ci ildə qəhrəmancasına şəhid olub.
Azərbaycan Respublikasının Prezidentinin Sərəncamlarına əsasən Namiq Quliyev ölümündən sonra "Suqovuşanın azad olunmasına görə", "Xocavəndin azad olunmasına görə", "Cəsur döyüşçü", "Vətən uğrunda" və "Laçının azad olunmasına görə" medalları ilə təltif edilib.
Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Namiq Quliyev 3-cü dərəcəli "Vətənə xidmətə görə" ordeni ilə təltif edilib.
