Xocalı soyqırımı zamanı itkin düşmüş Akif Mahmudov Ceyranbatanda dəfn olunub. Bu haqda 27 mart tarixində Sumqayıt24 Apa.az-a istinadən məlumat verir.
Dəfn mərasimində Xocalının icra başçısı Şahmar Usubov və qurumun məsul şəxsləri, Səfərbərlik və Hərbi Xidmətə çağırış üzrə Dövlət Xidmətinin Xocalı rayon bölməsinin rəisi Rahim Mustafayev, şəhidin yaxınları və ictimaiyyət nümayəndələri iştirak ediblər.
Şəhidin Xocalıdakı kütləvi məzarlıqda aşkarlanan qalıqları qəsəbədəki qəbiristanlıqda torpağa tapşırılıb.
Qeyd edək ki, Akif Mahmudov 1962-ci ildə Xocalıda anadan olub. Könüllü özünümüdafiə dəstəsinin üzvü olan Akif Mahmudov 30 yaşında, 1992-ci il fevralın 26-da itkin düşüb. Ailəli olub, 2 oğlu var.
