Sumqayıtda zibil qutularının olmaması sakinlərin narazılığına səbəb olub.
Sumqayit24.az-a daxil olan məlumata görə, şəhərin bütün mərkəzi küçələrində - Sülh və Heydər Əliyev prospektlərində, eyni zamanda Nəriman Nərimanov və Səməd Vurğun küçələri və digər ərazilərdə zibil qutuları yoxdur.
Şikayətçilər bildirirlər ki, bu cür vəziyyət müxtəlif çətinliklərin və problemlərin yaranmasına səbəb olur:
“Nəticədə ya zibili evə kimi daşımalı oluruq ki, bu da əlavə yükdür. Ya da ki, yerə atırıq. Bu da cərimələnməyimizə səbəb olur".
Vətəndaşlar aidiyyəti qurumlardan ərazilərdə tez bir zamanda zibil qutularının təşkil edilməsini tələb edirlər.
