Aktau yaxınlığındakı təyyarə qəzası ilə bağlı ilkin nəticələr yaxın günlərdə açıqlanacaq.
Sumqayit24.az Qazaxıstan KİV-ə istinadən xəbər verir ki, bu barədə ölkənin nəqliyyat naziri Marat Karabayev brifinqdə məlumat verib.
Onun sözlərinə görə, müxtəlif ölkələrdən olan mütəxəssislərin birgə işi son mərhələyə çatıb.
"Mütəxəssislər səylə çalışırlar. Biz bundan əvvəl də danışmışdıq ki, Azərbaycan Respublikası, Rusiya Federasiyası, Braziliya və ICAO-dan beynəlxalq mütəxəssislər cəlb olunub. Gözləyirik ki, yaxın günlərdə ilkin hesabat rəsmi olaraq saytımızda dərc ediləcək.
Mütəxəssislərə işlərini tamamlamaq üçün vaxt lazımdır. Bu, zəhmət tələb edən işdir", - o qeyd edib.
