2024-YR4 asteroidi Yer planeti ilə toqquşa bilər.
Sumqayit24.az xarici KİV-lərə istinadən xəbər verir ki, bunu rusiyalı astronom, “Ka-Dar” rəsədxanasının rəhbəri Stas Korotkiy bildirib.
“Hazırda onun Yer planeti ilə toqquşma ehtimalı müxtəlif strukturlar tərəfindən 0,5 – 6% aralığında qiymətləndirilir. Altı faiz deyəndə – yəni vəziyyətin inkişafına dair 16 variant var ki, bunlardan biri toqquşma variantıdır”, – qeydə alınıb.
Alimin sözlərinə görə, bu proqnozlarda qeyri-müəyyənliyin olması asteroidin müşahidə müddətinin qısa olması ilə əlaqəlidir.
Qeyd edilir ki, 70 metrlik asteroidin 22 dekabr 2032-ci ildə Yerlə toqquşma ehtimalı 6%-dir ki, bu da 2004-cü ildə Apofisin kəşf olunmasından bəri ən yüksək proqnoz göstəricisidir.
Sözügedən nəhəng asteroidin isə 2029-cu ilin aprel ayında Yerdən 30 min kilometr məsafədən keçəcəyi fərz edilir.
