Sumqayıt şəhərində 45 çoxmənzilli yaşayış binasında içməli su təminatı yaxşılaşdırılıb. Sumqayıt24 bu barədə 12 oktyabr tarixində “Azərsu” ASC-yə istinadən xəbər verir.
“Azərsu” tərəfindən abonentlərin fasiləsiz içməli su ilə təmin edilməsi məqsədilə həyata keçirilən pilot layihənin icrası yekunlaşıb. Şəhərin 8-ci mikrorayon ərazisini əhatə edən layihə çərçivəsində binaları içməli su ilə təchiz edən mövcud nasos stansiyasında əsaslı yenidənqurma işləri aparılıb. Stansiyanın idarəetmə sistemi tamamilə yenilənib və avtomatlaşdırılıb. Nəticədə içməli su təzyiqli və fasiləsiz olaraq təmin olunur.
Bununla da 45 çoxmənzilli yaşayış binasında 4684 abonentin (təxminən 17 min sakin) içməli su təminatı əsaslı şəkildə yaxşılaşdırılıb.
