Bakı-Quba-Rusiya magistralının 16-cı kilometrindən (VAZ dairəsi) 30-cu kilometrinədək (Sumqayıt) təmir-bərpa işlərinin 2-ci hissəsi davam etdirilir. Əraziyə çox sayda işçi qüvvə və xüsusi texnika cəlb olunub.
Beləliklə, yol örtüyünün deformasiyaya uğramış hissələri texnika vasitəsi ilə qaldırılır, yarasız qrunt qazılaraq çıxarılır və əks-dolğu işləri görülərək yol yatağı yenidən qurulur. Yol ayrıcında mövcud olan əyri xətli dəmir tirlər beton arakəsmələrlə əvəz olunub.
"VAZ dairəsi" kimi tanınan ərazidən Ceyranbatan qəsəbəsi istiqamətində 4 kilometrlik hissədə sadalanan təmir-bərpa işləri yekunlaşıb, magistralın qalan hissəsində isə davam edir.
