Saray qəsəbəsində yolların işıqlandırılması ilə bağlı şikayət var.
Sumqayit24.az-a daxil olan məlumata görə, Heydər Əliyev küçəsində işıq dirəkləri olsa da, işıqları yanmır.
Görüntüdən də aydındır ki, yollar qaranlığa bürünüb.
"İşıq dirəkləri var, lakin işıqlandırma yoxdur. Birdən qarşıma piyada çıxdı və qaranlığa görə onu görmədim. Nəticə necə olacaq? Gərək kimsə həyatını itirə sonra tədbir görülsün?",- deyə şikayətçi narahatlığını bildirib.
Vətəndaşlar aidiyyəti qurumlardan bu problemə məsuliyyətlə yanaşılmasını və ərazidəki işıqlandırmanın tez bir zamanda bərpa edilməsini tələb edirlər.
