H.Z. Tağıyev qəsəbəsində uzun müddət müşahidə olunan antisanitariya vəziyyəti həll olunub. Bu haqda 15 sentyabr tarixində Sumqayıt24 xəbər verir.
Ötən gün 32 nömrəli məktəbin ərazisində davamlı olaraq kanalizasiya suların axıdıldığı haqda məlumat vermişdik. Sumqayıt Sukanal İdarəsindən redaksiyamıza təqdim olunan məlumata görə, gecə növbəsinin işçiləri tərəfindən artıq müvafiq tədbir görülüb.
Qurumdan, həmçinin əlavə edilib: “Qeyd olunmuş ərazidə Sumqayıt Sukanal İdarəsinə aid mərkəzləşdirilmiş kanalizasiya şəbəkəsi yoxdur. Yaranmış problem hal-hazırda idarənin nəzarətindədir və yüksəktəzyiqli yuma maşını artıq sifariş olunub”.
