Saray qəsəbəsində işıqlandırma problemi ciddi narazılıq yaradıb.
Sumqayit24.az-a daxil olan məlumata görə, Sülh küçəsində işıq dirəkləri olsa da, işıqlandırma sistemi işlək vəziyyətdə deyil. Nəticədə axşam saatlarında ərazidə hərəkət çətinləşir, xüsusilə piyadalar və nəqliyyat vasitələri üçün təhlükəli vəziyyət yaranır.
Yerli sakinlərin sözlərinə görə, artıq 9 aydan çoxdur ki, sözügedən küçədə işıqlandırma yoxdur.
Vətəndaşlar müvafiq qurumlardan əraziyə baxış keçirilməsini və problemin aradan qaldırılmasını tələb edirlər.
