Saray qəsəbəsində piyada səkisinin vəziyyəti narahatlıq doğurur.
Sumqayit24.az-a daxil olan məlumata görə, qəsəbənin girişində aparılan təmir işləri zamanı piyada səkisi sökülüb, lakin sonradan bərpa olunmayıb.
Vətəndaşlar bildirirlər ki, bu vəziyyət piyadalar üçün ciddi təhlükə yaradır.
"Uşaqlı adam üçün buradan keçmək ikiqat risklidir. Maşınların da yüksək sürətlə hərəkət etdiyini nəzərə alsaq, ərazi daha da təhlükəli yerə çevrilir", - deyə vətəndaşlardan biri bildirib.
Şikayətçilər aidiyyəti qurumlardan əraziyə baxış keçirilməsini və piyada səkisinin bərpa edilməsini tələb edirlər.
