“Sumqayıt Texnologiyalar Parkı” MMC-nin iki törəmə şirkətinin baş icraçı direktoru dəyişilib. Bu haqda 27 mart tarixində Sumqayıt24 Ena.az-a istinadən xəbər verir.
Nazim Məmmədov “STP Polymer” MMC-nin direktoru vəzifəsinə təyin edilib. O, bu vəzifədə Levent Kurukalıpı əvəzləyib. N.Məmmədov bundan öncə zavodun kommersiya direktoru olub.
Tamerlan Kurkiyev isə “STP Global Cable” MMC-nin direktoru vəzifəsində çalışacaq. T.Kurkiyev bu vəzifədə Abdurrahman Gungoru əvəzləyib. O, STP-nin baş maliyyə inzibatçısı idi.
Qeyd edək ki, bundan öncə STP-nin daha bir şirkətinin rəhbəri dəyişdirilmişdi. “STP-AH” MMC-nin direktoru Konuralp Yurter vəzifəsindən azad edilmiş, onu Selman Celik əvəz etmişdi.
