Sumqayıtın "Yaşıl dərə" adlanan yaşayış massivində sakinlər ətrafı bürüyən kanalizasiya qoxusundan şikayət edirlər. Bu məsələ ilə bağlı onlar Sumqayıt24-ə müraciət ediblər.
Sakinlərin sözlərinə görə, massivin "Dəmiryol vağzalı"nın arxa hissəsinə düşən ərazidə, fərdi yaşayış evlərinin yanında çirkab suları yerin üstü ilə axıdılır. Ətrafda yaşayan vətəndaşlar oradan gələn pix qoxu səbəbindən pəncərələri aça bilmirlər. Bundan əlavə, axar suyun ətrafı tullantılar ilə də doludur.
"Kanalizasiyanın qoxusundan yay-qış demədən burada həşaratlar olur. Pis iydən əlavə milçək və ağcaqanad əlindən həyətə çıxmaq olmur. Həmdə, bildiyimə görə, çirkab sular cürbəcür xəstəliklərin mənbəyidir. Xahiş edirik bu mühim problemidə nəzərə alsınlar. Həll etsinlər",-deyə sakinlərdən biri bildirib.
