Sumqayıtın "Novxanı bağları"nda yaşayan sakinlər yolun bir tərəfinin asfaltlanması, digərinin isə baxımsız qalmasından narazıdırlar. Bu məsələni işıqlandırmaq üçün onlar Sumqayıt24-ə müraciət ediblər.
Məlumata görə, həmin ərazi 33 nömrəli marşrutun son dayanacağıdır. Buradan dəmir yol xətti və su kanalı keçir. Sakinlərin sözlərinə görə, kanalın bir tərəfindəki yol müxtəlif zamanlarda 6-7 dəfə təmir olunsa da, digər tərəfdə olan yol uzun illərdir ki qum-torpaq içindədir. Həmçinin, bu yolda işıq dirəkləri yoxdur. Bu səbəbdən ərazi axşam saatlarında qaranlığa qərq olunur.
Sonda sakinlər qeyd ediblər ki, hər gün 33 nömrəli avtobusa çatmaq üçün 4-5 kilometrlik yolu qət etməli olurlar. Problemi aradan qaldırmaq üçün isə, yolları təmir edib, marşrut xəttini uzatmağın lazımlığını vurğulayıblar.
