Noyabrın 24-26-da Türkmənistanın Xəzər Dənizi İnstitutunda Xəzər dənizinin bioloji ehtiyatlarının mühafizəsi və səmərəli istifadəsi üzrə Komissiyanın 9-cu iclası keçirilib.
Sumqayit24.az xəbər verir ki, bu barədə Türkmənistan Xarici İşlər Nazirliyinin mətbuat xidməti məlumat yayıb.
İştirakçılar su bioresurslarının vəziyyəti, onların mühafizəsi və çoxaldılması tədbirləri ətrafında fikir mübadiləsi apararaq, elmi tədqiqatların nəticələrini mübadilə ediblər.
İclasın sonunda 2026-cı ildə nərə balıqlarının kommersiya məqsədilə ovlanmasının dayandırılması barədə qərar qəbul olunub. Bu növlərin ovlanmasına razılaşdırılmış kvotalar çərçivəsində yalnız tədqiqat və çoxalma məqsədləri üçün icazə veriləcək. İclas protokolun imzalanması ilə yekunlaşıb.
Türkmənistan 2025-2026-cı illərdə Komissiyaya sədrlik edəcək.
