Hacı Əmrulla hamamı XVII əsrdə Hacı Əmrulla adlı şəxsin sifarişi ilə Sumqayıtın Corat qəsəbəsində, Sülh küçəsində inşa edilib. Tikili qəsəbənin içində, Cümə məscidinin yaxınlığında yerləşir.
Corat qəsəbəsində mövcud olan 2 qədim hamamdan biri də məhz bu hamamdır. Qədimliyinə görə bu hamam digərindən (Hacı Məcid hamamı) daha yenidir. Buna görə də yerli əhali arasında Hacı Əmrulla hamamına “təzə hamam” da deyilir. Hamam günbəzşəkilli formaya malikdir.
“Köhnə hamam”dan fərqli olaraq “təzə hamam” şam işığı ilə deyil, mazutla qızdırılarmış. Əvvəllər Hacı Əmrulla hamamından istifadə etmək üçün sakinlər 1 kilo buğda və yaxud 2 çörək, 2 yumurta ödəyirdilər.
Hacı Əmrulla hamamı dövlət tərəfindən mühafizə edilir, lakin 70 ildən çoxdur ki, bu hamam baxımsız vəziyyətdədir, uçub dağılır. Hal-hazırda da hamam fəaliyyət göstərmir. [modula id="15375"]
Ədəbiyyat:
