22 noyabr 1949-cu ildə Azərbaycan SSR Ali Soveti Rəyasət Heyətinin qərarı ilə Sumqayıta şəhər statusu verilib. Hal-hazırda Sumqayıt şəhəri ərazi böyüklüyünə görə Respublikanın 3-cü, əhali sayının çoxluğuna görə isə - 2-ci ən böyük şəhəridir.
Tarixi mənbələrdə ilk dəfə Sumqayıtın adı ingilis səyyahı Berrou tərəfindən 1580-ci ildə qeyd olunmuşdur.
1938-ci ildən etibarən burada sənaye obyektlərinin tikintisi başlamışdır. Sumqayıt şəhərinin ilk sənaye obyekti olan İstilik Elektrik Stansiyası 1941-ci ildə işə düşdü. Sumqayıt ərazisində şəhər yaranmasının ilk faktoru burada tikilən İstilik Elektrik Mərkəzi və Boruyayma zavodu hesab edilir.
1949-cu ildə, Sumqayıta şəhər statusu verilən zaman, burada 17 minə yaxın adam yaşayırdı. 1989-cu ildə şəhərdə 81 millətin nümayəndələri yaşayırdı, onladan azərbaycanlılar, ruslar və ləzgilər çoxluq təşkil edirdi. Həmçinin 1980-ci illərdə şəhər əhalisinin orta yaşı 25 yaş təşkil edirdisə, indi bu göstərici 70 yaşa bərabərdir.
2021-ci ilin statistik məlumatlarına əsasən Sumqayıt şəhərinin əhalisi, Corat və Hacı Zeynalabdin qəsəbələri də daxil olmaqla, 346,4 min nəfər təşkil edir.
Mənbələr:
