22 noyabr 1949-cu ildə Azərbaycan SSR Ali Soveti Rəyasət Heyətinin qərarı ilə Sumqayıta şəhər statusu verilib.
Tarixi mənbələrdə ilk dəfə Sumqayıtın adı ingilis səyyahı Berrou tərəfindən 1580-ci ildə qeyd olunmuşdur. 1858-ci ildə fransız yazıçı Aleksandr Düma “Qafqaz” adlı kitabında Sumqayıtı poçt stansiyası kimi qeyd etmişdir. Böyük Britaniyanın “The York Herald” qəzetinin 23 may 1877-ci il tarixli sayında yazılmışdır: “Sumqayıtdan, yaxud Bakıdan Tiflisə yaxşı yol mövcuddur, Tiflisdən isə İrəvana”.
1938-ci ildən Sumqayıtda sənaye obyektlərinin tikintisi başlamışdır. 1970-ci illərdə həmin müəssisələrdə istehsal edilən məhsullar Polşa, Vyetnam, Koreya, Yaponiya, İngiltərə və Ərəb dünyasının olkələrinə və s. ixrac edilirdi. Hazırda Sumqayıt şəhəri ölkənin ikinci ən böyük sənaye mərkəzi hesab edilir.
Bir zamanlar Sumqayıt “Gənclik şəhəri” adlanırdı. Buna səbəb isə yaşayış məntəqəsinin şəhər adını aldığı zaman sakinlərin əksəriyyətinin gənclər olması idi. 1980-ci illərdə şəhər əhalisinin orta yaşı 25 idi.
Dövlət Statistika Komitəsinin 2022-ci ilə olan məlumatına görə, Sumqayıt şəhərinin əhalisi 347,8 min nəfər təşkil edir.
Mənbələr:
