Gülxatun məscidi Sumqayıt şəhərinin Corat qəsəbəsində, Səməd Vurğun küçəsindən 100 metr aralıqda, qəsəbənin daxili hissəsində inşa edilib. Tikilinin uzərində onun XVIII əsrə aid olduğu qeyd edilib.
Bəzi mənbələrdə qeyd edilir ki məscidin binası Kərbəlayi Gülxatun adlı imkanlı xanımın şəxsi evi olub. O, vəfat etdiyi zaman öz evinin məscid kimi istifadə edilməsini vəsiyyət etmişdi. Yerli əhalinin sözlərinə görə isə ibadət evi elə əvvəldən Kərbəlayi Gülxatun tərəfindən məscid niyyəti ilə tikilib. Buna sübut kimi isə məsciddə qədim daşlardan tikilmiş iki mehrab olduğunu deyirlər.
İbadət evinin minbəri taxtadandır və 6 pillədən ibarətdir. Məsciddə qadınların da ibadət etməsi üçün otaq ayrılıb.
Gülxatun məscidi 2018-2020-ci illərdə əsaslı şəkildə təmir olunub və hal-hazırda da fəaliyyət göstərir.
Mənbələr:
Foto Sumqayıt24
Foto Sumqayıt24
Foto Sumqayıt24
