Coratlılar tarixən balıqçılıq, bağçılıq, bostançılıq və heyvandarlıqla məşğul olublar. 1880-ci illərdə Coratda 300, Qobuda 200, Maştağa və Sarayın hərəsində 100 baş iki və birhörgüclü dəvə saxlanılırdı. Dəvə yunu müxtəlif paltar və döşəklərin hazırlanmasında istifadə olunurdu. Dəvə əti Corat mətbəxinin əsasını təşkil edib. Buranın məşhur yerli yeməklərindən biri də “Corat” qutabıdır.
“Corat” qutabının özəlliyi dəvə ətindən və ya dana ətindən hazırlanaraq quyruq yağı və qoyun qaraciyəri ilə qarışdırılmış içliyindədir. Dəvə əti kifayət qədər yağlı olduğu üçün, adətən, ona yalnız soğan qoyulur, lakin mal ətinə quyruq yağı əlavə edilməlidir. Qutablar üçün soğan heç vaxt ətlə birlikdə əzilmir. Bütün inqrediyentlər kəsilir və ayrı-ayrılıqda ət dəyirmanından keçirilir və yalnız bundan sonra qarışdırılır, duz və istiot əlavə edilir.
Qutab qədim zamanlarda icad edilib. Camaat çörək bişirəndə artıq xəmir tikələri qalırdı. Beləliklə, ondan istifadə etmək üçün bir yol tapdılar, qutablar bişirməyə başladılar.
Ədəbiyyat:
