Daxili işlər naziri general-polkovnik Vilayət Eyvazov vətəndaş qəbulu keçirəcək. Sumqayıt24 bu barədə 2 noyabr tarixində quruma istinadən xəbər verir.
Görüşdə Sumqayıt, Abşeron, Qobustan, Qubadlı və Zəngilan şəhər və rayonlarının sakinləri iştirak edə biləcəklər. Qeydiyyatdan keçmək istəyən vətəndaşlar DİN-in səlahiyyətlərinə aid məsələlərlə bağlı yaşadıqları ərazinin polis orqanına, habelə mia.gov.az internet saytı vasitəsilə və sosial şəbəkələrdəki səhifələrinə müraciət edə bilərlər. Qəbula gələnlərdən şəxsiyyət vəsiqəsi tələb olunur.
Tarix: 24 noyabr;
Vaxt: 10:00;
Ünvan: Sumqayıt Şəhər Polis İdarəsinin inzibati binası;
Son qeydiyyat tarixi: 23 noyabr.
