Bu dəfə oxucularımızı, Sumqayıtda yaşayan, “Fəxri Mədəniyyət İşçisi” adına layiq görülmüş sənətkar - rəssam Nəsibə Şükürovanın fəaliyyəti ilə tanış edəcəyik. Onun çox sayda gözqamaşdıran rəsm əsəri və əl işləri var.
Beləliklə, Nəsibə Şükürova Azərbaycan Dövlət Rəssamlıq Texnikumunun “Teatr rəssamı” fakültəsində, daha sonra isə Rəssamlıq Akademiyasının “Keramika” fakültəsində təhsil alıb. 2003-2005-ci illərdə isə həmin fakültənin magistratura pilləsində təhsilini davam etdirib. Hazırda, Akademiyanın dissertantıdır.
Şəhərimizin fəxri olan Şükürova Sumqayıtı Ekspo Mərkəzində təşkil olunan “Beynəlxalq turizm” sərgisində təmsil edib. Həmçinin, mütamadi olaraq onun fərdi sərgiləri Sumqayıt Dövlət Rəsm Qalereyasında, Heydər Əliyev mərkəzində və Tarix muzeyində nümayiş etdirilir. Bu sərgilərdən birində, görkəmli sənətşünas Ziyadxan Əliyev və tanınmış rəngkar Vaqif Ucatay da iştirak ediblər.
Bundan əlavə o, bir neçə dəfə televiziya proqramlarına da qoşulub.
Nəsibə Şükürovaya 22 noyabr 2016-cı ildə Dövlət tərəfindən “Fəxri Mədəniyyət İşçisi” adı verilib. O, Azərbaycan Dövlət Rəssamlar İttifaqının üzvüdür.
Foto açıq mənbələrdən
Foto açıq mənbələrdən
