Sumqayıtda “Skautlar kimlərdir?” adlı interaktiv seminar təşkil ediləcək. Bu barədə 20 sentyabr tarixində Gənclər və İdman Baş İdarəsinə istinadən xəbər veririk.
Sentyabrın 21-i saat 15:00-da Gənclər Evində təlim baş tutacaq. Seminarda Azərbaycan Skautlar Assosiasiyasının baş katibi Ülvi Məmmədov tərəfindən skaut hərəkatının tarixi və ölkəmizdə inkişafı, skautinqin əsas prinsipləri, çöl şəraitində və kamplarda qeyri-adi vəziyyətlərdən çıxış üsulları və ilkin tibbi yardım, dağçılıq və haykinq üzrə bilik və bacarıqların artırılması istiqamətində ətraflı məlumat veriləcək. Görüşdə iştirak etmək istəyən hər kəs dəvətlidir.
Təlim Gənclər və İdman Baş İdarəsi, Gənclər Evi və Azərbaycan Skautlar Assosiasiyasının birgə təşkilatçılığı ilə həyata keçiriləcək.
