Sumqayıtda yaşayan və ingilis dilini öyrənmək istəyən gənclər pulsuz kurslara yazıla bilər. Sumqayıt24 bu haqda 5 iyul tarixində xəbər verir.
Kurslar “PROGRO – Peşəkar İnkişaf və İnnovasiyalar Platforması” BMTİP ilə Dövlət Məşğulluq Agentliyi tərəfindən yaradılıb və ABŞ Beynəlxalq İnkişaf Agentliyi (USAID) tərəfindən maliyyələşdirilir. İngilis dili proqramı sentyabrın 5-dən martın 31-dək davam edəcək.
Dərslər peşəkar müəllimlər tərəfindən həftədə 3 dəfə, 90 dəqiqə müddətində tədris olunacaq. Həmçinin həftədə bir dəfə Danışıq Klubu da təşkil ediləcək. Proqramı uğurla bitirənlərə "İntermediate English" üzrə sertifikat veriləcək.
Dil biliklərini təkmilləşdirmək istəyən şəxslər 17 iyul tarixinədək müraciət formasını doldura bilər.
