Zavod Sumqayıt şəhərinin Səməd Vurğun küçəsində inşa edilib. Sənaye obyektinin əsası 1935-ci ildə Bakıda qoyulmuşdu, lakin sonradan Sumqayıtda inşa edilməsinə qərar verilmişdi. Zavodun tikintisi 1939-cu ildə başladı. Böyük Vətən müharibəsi başlayan zaman sənaye obyektinin inşası dayandırıldı və 1944-1945-ci illərdə bərpa edildi. Qələbə çalacağına əmin olan Hitler hətta Sintetik Kauçuk Zavoduna Xayo Eylers adlı bir şəxsi direktor təyin etmişdi.
Sintetik Kauçuk Zavodu 1952-ci ildə istifadəyə verilmişdir. Burada Avropada ilk dəfə olaraq sintetik etil spirti və kauçuk istehsalına başlanılmışdır. Həmçinin SSRi-də ilk dəfə olaraq zavodda neft qazlarının emalı əsasında sintetik etil spirti alınmağa başlamışdı.
Sintetik kauçuk zavodunun istehsal etdiyi süni kauçuk təbii kauçuk istehsalından 3-4 dəfə ucuz başa gəlirdi. 1950-1960-cı illərdə SSRİ-də ən ucuz etil spirti bu zavoda məxsus idi. 1952-1975-ci illər ərzində zavodun istehsal etdiyi etil spirti 84 milyon ton buğdaya, 16 milyon ton kartofa qənaət etməyə imkan vermişdir.
1980-ci ildə zavodun istehsal etdiyi 7 növ məhsula Dövlət Keyfiyyət Nişanı verilmişdir.
Zavodun 100 nəfərdən artıq işçisi SSRİ-nin müxtəlif orden və medalları ilə təltif olunmuş, müəssisədə 10 nəfərdən çox elmlər namizədi, 1 nəfər Sosialist Əməyi Qəhrəmanı, 5 nəfər respublikanın Əməkdar səmərələşdiricisi, 3 nəfər respublikanın Əməkdar mühəndisi fəaliyyət göstərmişdir.
Sovet dövründə Çinin Pekin, Mukden, Lançjou və başqa şəhərlərindən mühəndislər və texniklər bir ildən artıq Sumqayıtın Sintetik Kauçuk Zavodunda təhsil almış, burada istehsalat təcrübəsi keçmişlər. Həmçinin zavoda təcrübə yığmaq üçün Rumıniyadan, Çexoslovakiyadan (indiki Çexiya və Slovakiya) və SSRİ-nin digər şəhərlərindən də təcrübəçilər gəlirdilər.
2010-cu ildə zavod Dövlət Neft Şirkətinin (SOCAR) tabeliliyinə verilmişdir. [modula id="17056"]
Mənbələr:
