İngilis dili biliyini təkmilləşdirmək, həmin dildə səlis şəkildə danışa bilmək istəyən bir çox Sumqayıt sakini var. Onların bu məqsədlərinə çatmasına köməklik göstərmək üçün Sumqayıt24 şəhər ərazisində fəaliyyət göstərən ödənişsiz “İngilis dili Danışıq Klubları”nı təqdim edir.
Belə ki, 1-ci mikrorayon ərazisində fəaliyyət göstərən “İnterlink” kurslarında yaşı 16-dan yuxarı olan şəxslər üçün hər həftənin şənbə günləri “conversation” görüşlər təşkil edilir. Burada əcnəbi müəllimlərin köməkliyi ilə dili öyrənmək şansı yaranacaq.
Ətraflı məlumat üçün (050) 686-52-20 nömrəsi ilə əlaqə saxlamaq olar.
Digər ödənişsiz danışıq kursu “Sülh plaza”da yerləşir. “Forward academy”-də hər həftənin şənbə günləri bu cür görüşlər təşkil edilir. Belə ki, dil biliyi yaxşı olanlar üçün “conversation”-lar saat 17:00-dan 18:00-a qədər, dili zəif bilənlər üçün isə saat 18:00-dan 19:00-a qədər keçirilir.
Məlumat üçün (055) 292-41-88 nömrəsinə müraciət etmək mümkündür.
Gənclərin İnkişaf və Karyera Mərkəzində də şənbə günləri İngilis dilində söhbətlər təşkil edilir. Saat 16:00-da Heydər Əliyev Mərkəzinə yaxınlaşaraq vaxtınızı səmərəli və faydalı keçirə bilərsiniz.
Biz nə qədər çox dil bilsək, dünyagörüşümüz o qədər geniş və zəngin olar.
