Sumqayıtda əmək yarmarkası keçiriləcək. Sumqayıt24 bu barədə 29 sentyabr tarixində Dövlət Məşğulluq Agentliyinə istinadən xəbər verir.
Yarmarka sentyabrın 30-u saat 10:00-da Heydər Əliyev Mərkəzinin inzibati binasında təşkil olunacaq. Tədbirdə Sumqayıt, Abşeron və Xızı üzrə 23 müəssisə tərəfindən 170-dən artıq vakansiyanın əmək yarmarkasına çıxarılması nəzərdə tutulub. Namizədlərin şəxsiyyət vəsiqəsi və CV nümunəsi ilə birlikdə gəlmələri arzuolunandır.
CV olmadığı halda, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlanmaq olar. Bu platformada qeydiyyatdan keçməklə lazımi xanalara məlumatları əlavə edib qısa müddətdə CV-ni PDF formatında əldə etmək mümkündür.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaqdır.
