Sumqayıt Dövlət Dram Teatrında uşaqlar üçün tamaşa nümayiş ediləcək. Sumqayıt24 bu haqda 4 mart tarixində xəbər verir.
Vasif Məmmədovun quruluşunda Astrid Lindqrenin "Balaca və Karlsonun macəraları" tamaşası 11 və 12 mart saat 11:00 və 13:00 seanslarında təqdim olunacaq. Biletlər teatrın kassasında satılır.
Bundan əlavə, həmin günlər bir qrup gəncin iştirakı ilə ekskursiya keçiriləcək. Onlar qrim, əlbəsə otaqları, musiqi sexi, işıq rəssamının işi, butafor otağı, dərzi emalatxanası, rəssam guşəsinə baxacaq, teatral proseslə tanış ola biləcəklər.
Daha sonra inzibati heyət tamaşaçıları maraqlandıran məsələlərə aydınlıq gətirəcək.
