“II Sumqayıt Kitab Sərgisi” təşkil olunacaq. Sumqayıt24 bu barədə 26 noyabr tarixində Regional Mədəniyyət İdarəsinə istinadən xəbər verir.
Sərgi ölkənin 30-dan artıq tanınmış nəşriyyatı və 10-dan çox kitab evinin iştirakı ilə baş tutacaq, 90 %-dək endirimlər tətbiq olunacaq.
Kitab bayramında tanınmış ədiblərin iştirakı ilə təqdimatlar, imza mərasimləri, konsert proqramları, şeir gecələri, uşaqlar üçün nağıl saatları və ustad dərsləri keçiriləcək.
Müxtəlif personajlarla şəkil çəkdirmək imkanı verəcək fotozonalar uşaqlar üçün nəzərdə tutulmuş "kids zone"da təşkil olunacaq.
ANAİB-nin təşkilatçılığı ilə keçiriləcək tədbir 23-25 dekabr saat 10:00-19:00-dək Kimyaçı Mədəniyyət Sarayında baş tutacaq.
