Sumqayıt şəhərində “KOB Fest” sərgi-satış yarmarkası təşkil olunacaq. Bu haqda bu gün, 8 iyun tarixində KOBİA-ya istinadən xəbər veririk.
Yarmarkada KOB subyektləri tərəfindən istehsal edilən qida və qeyri-qida məhsulları, eləcə də yaradıcı şəxslərin əl işləri nümayiş olunacaq və satışı həyata keçiriləcək. Festivalda, həmçinin mədəni-əyləncəli proqram təşkil ediləcək.
Sərgini keçirməkdə məqsəd KOB subyektlərinin istehsal etdiyi məhsulların satışına dəstək olmaq, yerli məhsulları tanıtmaqdır.
Nəsimi Parkında təşkil olunacaq “KOB Fest” sərgi-satış yarmarkası 11 iyun saat 10:00-dan 20:00-dək qonaqlar üçün açıq olacaqdır.
