Əmək və Əhalinin Sosial Müdafiəsi Nazirliyinin Aparat rəhbərinin müavini Cavid Əbdul-Qədirov Sumqayıt şəhərində vətəndaş qəbulu keçirəcək. Sumqayıt24 bu barədə 1 fevral tarixində nazirliyə istinadən xəbər verir.
Əvvəlcədən tərtib edilmiş siyahı əsasında təşkil olunan görüş fevralın 10-da baş tutacaq. Görüş zamanı vətəndaşların nazirliyin səlahiyyət dairəsinə aid müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaşlar 1-7 fevral tarixlərində nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq qəbula yazıla bilərlər.
