Qarşıdan gələn Novruz bayramını yaddaşlarda uzun illər saxlamaq istəyirsinizsə, bunun ən yaxşı üsulu foto çəkdirməkdir. Bu səbəbdən Sumqayıt24 şəhərimizdə olan seçmə fotostudiyaları sizə təqdim edir:
“TAC Fotostudio”
Burada çalışan peşəkar fotoqraflar sizin bayram çəkilişinizi unudulmaz edəcək. Bir saat davam edən fotosessiyadan sonra, sizə 30-35 şəkil təhvil veriləcək. Çəkilişin qiyməti 30 manat təşkil edir.
Ətraflı məlumat üçün (070) 580-88-88 nömrəsi ilə əlaqə saxlamaq mümkündür. Fotostudiya 6-cı mikrorayonda yerləşir.
“N1 fotostudio”
Gözoxşayan studiyada 2 bayram dekoru hazırlanıb. Çəkiliş 1 saatadək davam edə bilər. 1 uşaq üçün fotosessiyanın qiyməti 15 manat, ailəvi çəkiliş isə 25 manat təşkil edir.
Məlumat üçün (055) 399-23-77 nömrəsinə müraciət etmək mümkündür. Studiya Nəriman Nərimanov klubunun yanında yerləşir.
“NV Fotostudio”
Bu studiyanın əsas özəlliklərindən biri də odur ki, burada fotoqraf və köməkçilərin hamısı xanımdır.
“Sülh” plazada yerləşən bu studiyada 2 fərqli dekor var. Bir dekorda çəkilişə 45 dəqiqə vaxt ayrılır və 30-35 effekt verilmiş şəkil müştərilərə təqdim olunur. Fotolar həm disk formatında verilir, həm telefonlara göndərilir. Burada cəmi 20 manata (1 və 2 uşaq bir qiymətə daxildir) bayram ahəngini fotolarda əbədiləşdirə bilərsiniz.
Ətraflı məlumatı bu nömrə vasitəsilə əldə etmək olar: (070) 693-31-71.
“Sumqayıt foto studio”
Milli koloritli dekorasiyalarla bəzədilmiş daha bir rəngarəng studiyanı izləyicilərimizə təqdim edirik. Fotoqraflar həm ailənizin, həm də tək uşağınızın fotolarını qeyri-adi formatda çəkdirməyi təklif edir. Burada olan çoxlu sayda maraqlı aksesuarlar çəkilişə rəng qatacaq. Bir dekorun qiyməti 20 manatdır, ailə üçün isə ödəniş 30 manat təşkil edəcək.
Ətraflı məlumat üçün (070) 713-38-43 nömrəsinə müraciət etmək mümkündür. Studiya 3-cü mikrorayonda yerləşir.
Adı çəkilən bütün studiyalar müştərilərinə milli geyimləri ödənişsiz təqdim edir.
