Sumqayıtda şəhid ailələri və qazilər üçün ödənişsiz hüquqi xidmətlər göstəriləcək. Sumqayıt24 bu barədə 24 sentyabr tarixində Regional Vəkil Bürosuna istinadən xəbər verir.
27 Sentyabr - Anım Günü münasibətilə təşkil olunan aksiya şəhərdə fəaliyyət göstərən bütün vəkil qurumları tərəfindən həyata keçiriləcək. Pulsuz hüquqi yardım almaq istəyən şəhid ailələri üzvləri və müharibə qaziləri sentyabrın 27-si saat 09:00-dan 18:00-dək vəkil qurumlarına müraciət edə bilərlər.
Əlaqələndirici şəxs: Hüquqi Yardım və Tədris Mərkəzinin direktor müavini Afət Qaziyeva (tel.: 012 594 99 85, 050 340 09 81).
