Saray qəsəbəsində Mənzil İnşaatı Dövlət Agentliyi (MİDA) tərəfindən yeni sosial mənzillərin inşasına başlanılır.
Sumqayit24.az xəbər verir ki, bununla bağlı hazırlıqlara ötən il start verilsə də, layihə-smeta sənədləri ilə bağlı yekun tədbirlər görülməmişdi. Artıq tikiləcək çoxmənzilli yaşayış binalarının inşası layihəsini və müəllif nəzarətinin aparılması üzrə əlavə işləri görəcək şirkəti müəyyənləşib.
MİDA işlərin icrasını “Arch-Tikinti” Məhdud Məsuliyyətli Cəmiyyətinə (MMC) həvalə edib.
Müqaviləyə əsasən, şirkətə 125.316 manat ödənilib və tikinti layihəsinin bu ilin avqustun 12-də tamamlanması razılaşdırılıb.
